Мадриднинг "Реал" клуби бош мураббийи Жозе Моуриньо жамоа билан иш бошлаган дастлабки ойлар ҳақидаги таассуротлари билан ўртоқлашди.

"Special One" клубни тарк этганидан 13 йил ўтиб, яна "Реал"га қайтди.

"Мен "Реал"га келганимда, ғалабага чанқоқ кийиниш хонасини кўрдим. Ҳозирча ўзимнинг қанчалик қаттиққўл раҳбар бўла олишимни кўрсатишга бирор марта ҳам тўғри келмади. Бу менинг ДНКмнинг бир қисми, аммо футболчилар мени ўзимнинг ана шу версиямдан ҳимоя қилиб келишди", — деди Моуриньо El Chiringuito'га берган интервьюсида.

Шанба куни "Реал" янги мавсум Ла Лигасининг 1-турида сафарда "Эспаньол"га қарши майдонга тушади. Бу португалиялик мутахассиснинг клубга иккинчи бор қайтишидаги илк расмий учрашув бўлади.