Makedoniyalik hujumkor futbolchi Lyupcho Doriyev O‘zbekiston Superligasiga kelganidan buyon gollar soni bo‘yicha barcha futbolchilardan yaxshiroq natija qayd etmoqda.
O‘zPFL taqdim etgan statistikaga ko‘ra, Doriyev chempionatda jami 44 ta gol urgan. Uning eng yaqin ta’qibchilari Anvarjon Hojimirzayev va Dragan Cheran bo‘lib, har ikki futbolchi hisobida 28 tadan gol bor.
Keyingi o‘rinlarni Husayn Norchayev — 25 ta, Xurshid G‘iyosov — 23 ta gol bilan egallagan.
Shuningdek, Temurxo‘ja Abduxoliqov, Zoran Marushich va Toma Tabatadze ushbu davr mobaynida 21 tadan gol urgan. Jamshid Iskanderov hamda Igor Sergeev hisobida esa 20 tadan gol mavjud.
Shu tariqa, Doriyev eng yaqin ta’qibchilaridan 16 ta golga ilgarilab ketgan va u O‘zbekistonga kelganidan keyingi davrda Superliganing eng sermahsul futbolchisi bo‘lib turibdi.
Reyting:
- Lyupcho Doriyev — 44 gol
- Anvarjon Hojimirzayev — 28
- Dragan Cheran — 28
- Husayn Norchayev — 25
- Xurshid G‘iyosov — 23
- Temurxo‘ja Abduxoliqov — 21
- Zoran Marushich — 21
- Toma Tabatadze — 21
- Jamshid Iskanderov — 20
- Igor Sergeev — 20
