Македониялик ҳужумкор футболчи Люпчо Дориев Ўзбекистон Суперлигасига келганидан буён голлар сони бўйича барча футболчилардан яхшироқ натижа қайд этмоқда.

ЎзПФЛ тақдим этган статистикага кўра, Дориев чемпионатда жами 44 та гол урган. Унинг энг яқин таъқибчилари Анваржон Ҳожимирзаев ва Драган Черан бўлиб, ҳар икки футболчи ҳисобида 28 тадан гол бор.

Кейинги ўринларни Ҳусайн Норчаев — 25 та, Хуршид Ғиёсов — 23 та гол билан эгаллаган.

Шунингдек, Темурхўжа Абдухолиқов, Зоран Марушич ва Тома Табатадзе ушбу давр мобайнида 21 тадан гол урган. Жамшид Искандеров ҳамда Игор Сергеев ҳисобида эса 20 тадан гол мавжуд.

Шу тариқа, Дориев энг яқин таъқибчиларидан 16 та голга илгарилаб кетган ва у Ўзбекистонга келганидан кейинги даврда Суперлиганинг энг сермаҳсул футболчиси бўлиб турибди.

Рейтинг:

1. Люпчо Дориев — 44 гол
2. Анваржон Ҳожимирзаев — 28
3. Драган Черан — 28
4. Ҳусайн Норчаев — 25
5. Хуршид Ғиёсов — 23
6. Темурхўжа Абдухолиқов — 21
7. Зоран Марушич — 21
8. Тома Табатадзе — 21
9. Жамшид Искандеров — 20
10. Игор Сергеев — 20