«Arsenal» bosh murabbiyi Mikel Arteta «Yuventus» yarim himoyachisi Kenan Yildizni o‘z jamoasida ko‘rishni xohlamoqda. Bu haqda jurnalist Sasha Tavolyeri X ijtimoiy tarmog‘ida xabar qildi.

Manba ma’lumotiga ko‘ra, «kanonirlar» yaqin kunlarda 21 yoshli turkiyalik futbolchi bo‘yicha faol harakatlarga o‘tib, rasmiy taklif bilan chiqishni rejalashtirmoqda.

Transfer qiymati taxminan 100 million yevroni tashkil etishi mumkin.

O‘tgan mavsumda Yildiz barcha musobaqalar doirasida 47 ta o‘yinda maydonga tushib, 11 ta gol urdi va 10 ta golli uzatmani amalga oshirdi.