«Арсенал» бош мураббийи Микель Артета «Ювентус» ярим ҳимоячиси Кенан Йилдизни ўз жамоасида кўришни хоҳламоқда. Бу ҳақда журналист Саша Тавольери X ижтимоий тармоғида хабар қилди.

Манба маълумотига кўра, «канонирлар» яқин кунларда 21 ёшли туркиялик футболчи бўйича фаол ҳаракатларга ўтиб, расмий таклиф билан чиқишни режалаштирмоқда.

Трансфер қиймати тахминан 100 миллион еврони ташкил этиши мумкин.

Ўтган мавсумда Йилдиз барча мусобақалар доирасида 47 та ўйинда майдонга тушиб, 11 та гол урди ва 10 та голли узатмани амалга оширди.