"Marsel" Kvinten Timberning ehtimoliy transferi bo‘yicha "Portu" bilan muzokara olib bormoqda. Bu haqda Goal.com xabar berdi.

Timberning o‘zi faoliyatini Angliya chempionatida davom ettirishni afzal ko‘radi. Biroq yaqin vaqt ichida Premyer-liga klublaridan unga taklif tushish-tushmasligi hozircha noma’lum.

"Marsel" Timberni 2026 yil yanvar oyida "Feyenoord"dan 4,5 million yevroga sotib olgan edi. Shundan buyon yarim himoyachi Fransiya klubi safida 16 ta o‘yinda maydonga tushdi, ammo gol yoki golli uzatma bilan ajralib tura olmadi. Uning amaldagi shartnomasi 2030 yil yoziga qadar mo‘ljallangan.

Bir hafta avval "Portu" futbolchi uchun 15 milliondan 18 million yevrogacha taklif qilishga tayyor ekani haqida ma’lumotlar tarqalgan edi.

Timber mavsumoldi tayyorgarligini muvaffaqiyatli o‘tkazmoqda. U ikkita o‘rtoqlik uchrashuvida bitta gol urdi va bitta golli uzatmani amalga oshirdi.

Shuningdek, Timber yaqinda bo‘lib o‘tgan jahon chempionatida Niderlandiya terma jamoasi safida ishtirok etdi.