"Real" Madrid bosh murabbiyi Joze Mourinyu o‘zining avvalgi klubida qolishni rejalashtirganini tan oldi.
O‘tgan yil sentyabr oyida portugaliyalik mutaxassis vataniga qaytib, "Benfika" bosh murabbiyiga aylangan edi. Bahorda Florentino Peres mutaxassisni Alvaro Arbeloa o‘rniga tayinlashni rejalashtirayotgani haqida xabarlar tarqaldi. Bu gap-so‘zlar tasdiqlandi va iyun oyida "qirollik klubi" Jozening jamoaga qaytganini rasman e’lon qildi.
"Men "Benfika"da qolishni o‘ylayotgandim. Biroq "Real" sizga qo‘ng‘iroq qilsa, javob doim oddiy bo‘ladi. "Real"ga rad javobini bera olmaysiz. Bu yerga qaytish men uchun katta ahamiyatga ega", — dedi 63 yoshli murabbiy El Chiringuito nashriga bergan intervyusida.
Mourinyoning La Liganing grand klubi bilan shartnomasi 2029 yilga qadar mo‘ljallangan. U avval "Real"ni 2010-2013 yillar oralig‘ida boshqargan.
