"Реал" Мадрид бош мураббийи Жозе Моуринью ўзининг аввалги клубида қолишни режалаштирганини тан олди.
Ўтган йил сентябрь ойида португалиялик мутахассис ватанига қайтиб, "Бенфика" бош мураббийига айланган эди. Баҳорда Флорентино Перес мутахассисни Альваро Арбелоа ўрнига тайинлашни режалаштираётгани ҳақида хабарлар тарқалди. Бу гап-сўзлар тасдиқланди ва июнь ойида "қироллик клуби" Жозенинг жамоага қайтганини расман эълон қилди.
"Мен "Бенфика"да қолишни ўйлаётгандим. Бироқ "Реал" сизга қўнғироқ қилса, жавоб доим оддий бўлади. "Реал"га рад жавобини бера олмайсиз. Бу ерга қайтиш мен учун катта аҳамиятга эга", — деди 63 ёшли мураббий El Chiringuito нашрига берган интервьюсида.
Моуриньонинг Ла Лиганинг гранд клуби билан шартномаси 2029 йилга қадар мўлжалланган. У аввал "Реал"ни 2010-2013 йиллар оралиғида бошқарган.
