"Manchester Siti" yarim himoyachisi Niko O'Rayli yana maydon markazida o‘ynashni xohlaydimi, degan savolga javob berdi. Angliyalik futbolchi o‘tgan mavsumdagi o‘yinlarning katta qismini himoyaning chap qanotida o‘tkazgan.
"Albatta, 100 foiz. Men yarim himoyada o‘ynashni xohlayman, ammo turli pozisiyalarga oson moslasha oladigan futbolchiman. Chap qanot himoyachisi yoki tayanch yarim himoyachisi sifatida o‘ynay olaman.
Murabbiy menga istalgan pozisiyada maydonga tushishga tayyor turishim kerakligini aytdi. Uning aytishicha, futbolchining bir nechta pozisiyada o‘ynay olishi jamoa uchun o‘ziga xos ustunlik", — dedi O'Rayli Sky Sports Premier League'ga.
O‘tgan mavsumda O'Rayli barcha musobaqalar hisobida 54 ta uchrashuvda maydonga tushib, 9 ta gol urdi va 6 ta golli uzatmani amalga oshirdi.
