"Манчестер Сити" ярим ҳимоячиси Нико О'Райли яна майдон марказида ўйнашни хоҳлайдими, деган саволга жавоб берди. Англиялик футболчи ўтган мавсумдаги ўйинларнинг катта қисмини ҳимоянинг чап қанотида ўтказган.
"Албатта, 100 фоиз. Мен ярим ҳимояда ўйнашни хоҳлайман, аммо турли позицияларга осон мослаша оладиган футболчиман. Чап қанот ҳимоячиси ёки таянч ярим ҳимоячиси сифатида ўйнай оламан.
Мураббий менга исталган позицияда майдонга тушишга тайёр туришим кераклигини айтди. Унинг айтишича, футболчининг бир нечта позицияда ўйнай олиши жамоа учун ўзига хос устунлик", — деди О'Райли Sky Sports Premier League'га.
Ўтган мавсумда О'Райли барча мусобақалар ҳисобида 54 та учрашувда майдонга тушиб, 9 та гол урди ва 6 та голли узатмани амалга оширди.
