Irlandiya terma jamoasi hujumchisi Troy Perrott «AZ»ni tark etib, faoliyatini Ispaniyaning «Betis» klubida davom ettiradi.

Sevilyaliklar 24 yoshli futbolchi bilan 2031 yilga qadar mo‘ljallangan shartnoma imzolanganini rasman e’lon qildi. Perrott yangi jamoasida 19-raqam ostida to‘p tepadi.

Transfermarkt ma’lumotiga ko‘ra, «Betis» irlandiyalik hujumchining transferi uchun «AZ»ga 16 million yevro to‘lagan.

Parrott joriy mavsumda «AZ» safida ikkita uchrashuvda maydonga tushdi, ammo gol yoki golli uzatma qayd eta olmadi.

O‘tgan mavsumda esa hujumchi yuqori natijadorlik namoyish etgan. U barcha musobaqalar doirasida 31 ta gol urib, 12 ta golli uzatmani amalga oshirgan.