Ирландия терма жамоаси ҳужумчиси Трой Пэрротт «АЗ»ни тарк этиб, фаолиятини Испаниянинг «Бетис» клубида давом эттиради.

Севильяликлар 24 ёшли футболчи билан 2031 йилга қадар мўлжалланган шартнома имзоланганини расман эълон қилди. Пэрротт янги жамоасида 19-рақам остида тўп тепади.

Transfermarkt маълумотига кўра, «Бетис» ирландиялик ҳужумчининг трансфери учун «АЗ»га 16 миллион евро тўлаган.

Парротт жорий мавсумда «АЗ» сафида иккита учрашувда майдонга тушди, аммо гол ёки голли узатма қайд эта олмади.

Ўтган мавсумда эса ҳужумчи юқори натижадорлик намойиш этган. У барча мусобақалар доирасида 31 та гол уриб, 12 та голли узатмани амалга оширган.