"Barselona" yarim himoyachisi Frenki de Yongning klubdagi kelajagi yana so‘roq ostida qoldi. Marca ma’lumotiga ko‘ra, niderlandiyalik futbolchi bilan bog‘liq bir qator voqealar klub ichida norozilikni kuchaytirgan.

Vaziyat Joan Gamper kubogi taqdimotida yanada yaqqol ko‘rindi — "Kamp Nou"dagi muxlislarning bir qismi De Yongni hushtakbozlik bilan qarshi oldi.

Asosiy muammolardan biri futbolchining Niderlandiya milliy jamoasi safida Jahon chempionatida olgan og‘ir tizza jarohati bilan bog‘liq. De Yong og‘riqqa qaramay o‘ynashda davom etgan va natijada jarohatini og‘irlashtirgan. Keyinchalik u "Barselona" shifokorlari tavsiya qilgan jarrohlik amaliyotini rad etib, konservativ davolanishni tanlagan. Bu esa tiklanish muddatini uzaytirishi mumkin.

Shuningdek, De Yong o‘zi haqidagi xabarlar yuzasidan OAVni ochiq tanqid qilgan. Manbaga ko‘ra, bu holat mahalliy jurnalistlar bilan munosabatlarni ham keskinlashtirgan.

Marca'ning yozishicha, Hansi Flik futbolchini sardorlik vazifasidan ham chetlatgan. Rasman bu qaror uning jarohati bilan izohlanayotgan bo‘lsa-da, manba bu ichki jazo bo‘lishi mumkinligini qayd etgan.

De Yong yaqinda "Barselona" bilan uzoq muddatli shartnomasini uzaytirganiga qaramay, klubda uni sotish tarafdorlari paydo bo‘lgan. Jarohati sabab yozda transferni amalga oshirish qiyin, ammo 2027 yil yanvarda uni sotish varianti istisno qilinmayapti.