Prezident farmoni bilan professional bokschi Isroil Madrimov davlat mukofoti bilan taqdirlandi.
O‘zbekiston Respublikasi mustaqilligining 35 yilligi munosabati bilan fan, ta’lim, sog‘liqni saqlash, sport, madaniyat va san’at sohalari hamda ommaviy axborot vositalari vakillaridan bir guruhini mukofotlash to‘g‘risida Prezident farmoni e’lon qilindi.
Farmonga muvofiq, mamlakat mustaqilligini mustahkamlash, Yangi O‘zbekistonni barpo etish yo‘lidagi islohotlarga munosib hissa qo‘shgan, shuningdek, turli sohalar rivoji va jamiyat hayotida faol ishtirok etib kelayotgan fuqarolar davlat mukofotlari bilan taqdirlandi.
Mukofotlanganlar orasida taniqli professional bokschi Isroil Madrimov ham bor. U Prezident farmoni bilan "Do‘stlik" ordeniga sazovor bo‘ldi.
