«Al-Dir’iya» hujumchi Darvin Nunyes va yarim himoyachi Enso Miyoni ijaraga olganini e’lon qildi. Har ikki futbolchining shartnomasi 2027 yil 30 iyunga qadar amal qiladi.
27 yoshli urugvaylik Nunyes «Al-Hilol»dan, 24 yoshli fransiyalik Miyo esa «Al-Ahli»dan ijaraga olindi.
Nunyes 2025/2026 yilgi mavsumda «Al-Hilol» safida 24 ta uchrashuv o‘tkazib, 9 ta gol urdi va 5 ta golli uzatmani amalga oshirdi.
Miyo esa «Al-Ahli» tarkibida 40 ta bahsda maydonga tushib, 9 ta gol hamda 7 ta golli uzatma qayd etdi.
Transfermarkt portali Nunyesning transfer qiymatini 20 million, Miyonikini esa 25 million yevroga baholamoqda.
