"Yuventus" darvozaboni Mattia Perin yozgi transfer oynasida Turin klubini tark etishga yaqin.
Insayder Fabrisio Romano ma’lumotiga ko‘ra, 33 yoshli golkiper faoliyatini Italiyaning "Palermo" klubida davom ettirishi kutilmoqda. Tomonlar o‘rtasidagi kelishuv deyarli yakunlangan va "Yuventus" transferga ruxsat bergan.
Perin "Yuventus" safiga 2018 yilda kelib qo‘shilgan. U faoliyati davomida "Jenoa"da ijara asosida ham to‘p surgan.
"Palermo" ayni paytda Italiyaning kuch jihatidan ikkinchi divizioni — B Seriyada ishtirok etmoqda. Jamoa yangi mavsumda o‘z oldiga yuqori maqsadlarni qo‘ygan.
Avvalroq "Yuventus" Perinning o‘rniga "Volfsburg" darvozaboni Kamil Grabarani tarkibga qo‘shish ustida ish olib borayotgani xabar qilingan.
