"Ювентус" дарвозабони Маттиа Перин ёзги трансфер ойнасида Турин клубини тарк этишга яқин.
Инсайдер Фабрицио Романо маълумотига кўра, 33 ёшли голкипер фаолиятини Италиянинг "Палермо" клубида давом эттириши кутилмоқда. Томонлар ўртасидаги келишув деярли якунланган ва "Ювентус" трансферга рухсат берган.
Перин "Ювентус" сафига 2018 йилда келиб қўшилган. У фаолияти давомида "Женоа"да ижара асосида ҳам тўп сурган.
"Палермо" айни пайтда Италиянинг куч жиҳатидан иккинчи дивизиони — B Серияда иштирок этмоқда. Жамоа янги мавсумда ўз олдига юқори мақсадларни қўйган.
Аввалроқ "Ювентус" Периннинг ўрнига "Вольфсбург" дарвозабони Камиль Грабарани таркибга қўшиш устида иш олиб бораётгани хабар қилинган.
