«Manchester Siti» hujumchisi Omar Marmush faoliyatini Angliya Premyer-ligasining boshqa klubi — Londonning «Tottenxem» jamoasida davom ettiradi. Insayder Nikolo Skiraning xabar berishicha, tomonlar kelishuvga erishgan.
Transferning umumiy summasi bonuslarni hisobga olgan holda 64 million yevroni tashkil etadi. Marmush londonliklar bilan 2031 yilgacha mo‘ljallangan uzoq muddatli mehnat shartnomasini imzolaydi. Afrikalik futbolchi yaqin 48 soat ichida tibbiy ko‘rikdan o‘tadi, shundan so‘ng transfer rasman e’lon qilinadi.
APLning o‘tgan mavsumida 27 yoshli hujumchi 21 ta uchrashuvda maydonga tushib, o‘z hisobiga uchta gol va uchta golli uzatma yozdirib qo‘ygan.
