«Bobur Arena»da yana katta futbol bayrami. Superliganing 19-turida «Andijon» jamoasi «Xorazm»ni qabul qiladi.
Ushbu klublarning O‘zbekiston chempionatidagi ilk uchrashuvi 1996 yilda bo‘lib o‘tgan. O‘shanda «Xorazm» «Dinamo Urganch», «Andijon» esa «Navro‘z» nomi bilan ishtirok etgan. Ilk bahs 1:1 hisobida yakunlangan.
Jamoalar shu paytga qadar chempionat doirasida 19 marta o‘zaro to‘qnash kelishgan. «Andijon» 11 ta, «Xorazm» 4 ta g‘alabaga erishgan. Yana 4 ta uchrashuvda durang qayd etilgan. To‘plar nisbati — 40:19, «Andijon» foydasiga.
Joriy mavsumning birinchi davrasida Urganchda o‘tkazilgan uchrashuvda «Andijon» 3:0 hisobida ishonchli g‘alabaga erishgan. O‘sha bahsda Andronikashvili, Iminov va Cheran gol urgan.
«Andijon» o‘z maydonida «Xorazm»ni so‘nggi bor 2025 yilda mag‘lub etgan — 3:2. Qizig‘i, o‘sha yili andijonliklar safarda ham raqibini xuddi shu — 3:2 hisobida taslim qilgan.
Jamoalarning so‘nggi 5 ta o‘zaro uchrashuvi:
04.05.2026. «Xorazm» — «Andijon» — 0:3
21.11.2025. «Andijon» — «Xorazm» — 3:2
26.06.2025. «Xorazm» — «Andijon» — 2:3
16.11.2022. «Andijon» — «Xorazm» — 3:1
16.10.2022. «Xorazm» — «Andijon» — 0:1
Jamoalar o‘rtasidagi eng yirik hisob 2006 yil 19 avgust kuni qayd etilgan. O‘shanda «Andijon» «Xorazm»ni 7:1 hisobida tor-mor keltirgan.
Ayni paytda Superliga turnir jadvalida «Andijon» 24 ochko bilan 9-o‘rinda, «Xorazm» esa 20 ochko bilan 11-pog‘onada bormoqda.
