«Buxoro» klubi XXI asrdagi eng yaxshi mavsumini o‘tkazmoqda.
Jamoa O‘zbekiston Superligasining 19 turidan so‘ng 34 ochko jamg‘ardi. Bu ko‘rsatkich «Buxoro» tarixida mavsumning dastlabki 19 turidan keyingi uchinchi eng yaxshi natija hisoblanadi.
Buxoroliklar faqat 1995 va 1996-yilgi mavsumlarda 19 turdan so‘ng hozirgidan ko‘proq ochko to‘plashgan. 1995-yilda jamoa 40 ochko, 1996-yilda esa 39 ochko jamg‘argan.
Qizig‘i, «Buxoro» har ikki mavsumni ham chempionat jadvalida 5-o‘rinda yakunlagan.
Endi Aleksandr Xomyakov boshchiligidagi jamoa tarixiy ko‘rsatkichni yanada yaxshilash va mavsumni yuqori pog‘onalardan birida tugatish imkoniyatiga ega.
Sizningcha, «Buxoro» joriy mavsum yakunida qaysi o‘rinni egallaydi?
