«Бухоро» клуби XXI асрдаги энг яхши мавсумини ўтказмоқда.
Жамоа Ўзбекистон Суперлигасининг 19 туридан сўнг 34 очко жамғарди. Бу кўрсаткич «Бухоро» тарихида мавсумнинг дастлабки 19 туридан кейинги учинчи энг яхши натижа ҳисобланади.
Бухороликлар фақат 1995 ва 1996-йилги мавсумларда 19 турдан сўнг ҳозиргидан кўпроқ очко тўплашган. 1995-йилда жамоа 40 очко, 1996-йилда эса 39 очко жамғарган.
Қизиғи, «Бухоро» ҳар икки мавсумни ҳам чемпионат жадвалида 5-ўринда якунлаган.
Энди Александр Хомяков бошчилигидаги жамоа тарихий кўрсаткични янада яхшилаш ва мавсумни юқори поғоналардан бирида тугатиш имкониятига эга.
Сизнингча, «Бухоро» жорий мавсум якунида қайси ўринни эгаллайди?
