"Navbahor" O‘zbekiston Superligasida 8 yildan so‘ng yana ketma-ket 5 ta uchrashuvda g‘alaba qozonishga muvaffaq bo‘ldi.

Namanganliklar joriy mavsumda "Mash’al"ni 2:0, "Nasaf"ni 1:0, "Bunyodkor"ni 4:3, "Surxon"ni 1:0 va "Xorazm"ni 5:1 hisobida mag‘lub etib, g‘alabali seriyasini beshta o‘yinga yetkazdi.

"Lochinlar" bunday natijani so‘nggi bor 2018 yilgi Superligada qayd etgan edi. O‘sha mavsumda ham "Navbahor" ketma-ket beshta uchrashuvda raqiblaridan ustun kelgan.

Qizig‘i, 2018 yilgi chempionat yakunida Namangan klubi Superligani 3-o‘rinda yakunlab, bronza medallarini qo‘lga kiritgan edi.