"Навбаҳор" Ўзбекистон Суперлигасида 8 йилдан сўнг яна кетма-кет 5 та учрашувда ғалаба қозонишга муваффақ бўлди.
Наманганликлар жорий мавсумда "Машъал"ни 2:0, "Насаф"ни 1:0, "Бунёдкор"ни 4:3, "Сурхон"ни 1:0 ва "Хоразм"ни 5:1 ҳисобида мағлуб этиб, ғалабали сериясини бешта ўйинга етказди.
"Лочинлар" бундай натижани сўнгги бор 2018 йилги Суперлигада қайд этган эди. Ўша мавсумда ҳам "Навбаҳор" кетма-кет бешта учрашувда рақибларидан устун келган.
Қизиғи, 2018 йилги чемпионат якунида Наманган клуби Суперлигани 3-ўринда якунлаб, бронза медалларини қўлга киритган эди.
