«Fenerbaxche» uzoq yillik tanaffusdan so‘ng Chempionlar ligasiga qaytdi.

Ismail Kartal jamoasi musobaqaning so‘nggi saralash bosqichida «Lion»ni ikki o‘yin natijasiga ko‘ra mag‘lub etib, Chempionlar ligasining umumiy bosqichiga yo‘l oldi. Birinchi uchrashuv 1:1 hisobida yakunlangan bo‘lsa, javob bahsida turkiyaliklar 2:1 hisobida g‘alaba qozondi.

«Fenerbaxche» bunga qadar saralash bosqichlarida «Shturm»ni 2:0 va 1:0 hisoblarida, «Gurnik»ni esa 1:0 va 1:1 natijalari bilan ortda qoldirgan edi.

Istanbul klubi so‘nggi bor 2008/09 yilgi mavsumda Chempionlar ligasida ishtirok etgan. O‘sha paytda «Fenerbaxche» tarkibida Roberto Karlos, Emre Belyozo‘g‘li va Daniel Guisa kabi taniqli futbolchilar to‘p surgan.