Italiyalik mutaxassis Davide Anchelotti Braziliyaning «Botafogo» klubidagi omadsiz tajribasidan so‘ng «Lill»da ish boshladi. U yangi jamoasida qat’iy murabbiy sifatida o‘zini ko‘rsatishga intilmoqda va klubni tark etishi mumkin bo‘lgan 20 yoshli Matias Fernandes-Pardoni mashg‘ulotlardan chetlatdi.
«U transfer oynasi yopilguniga qadar mashg‘ulotlarda ishtirok etmaydi. Bu qaror klub bilan kelishilgan holda qabul qilindi. U jamoaga qaytguniga va vaziyatga oydinlik kiritilguniga qadar kutib turamiz», — deya Anchelottining so‘zlarini derbyderbyderby.it keltiradi.
Fransiya chempionatining navbatdagi turida «Lill» «PSJ»ga qarshi maydonga tushadi.
