«Liverpul» yarim himoyachisi Aleksis Mak Allisterning otasi Karlos Mak Allister o‘g‘lining klubdan ketishi mumkinligi haqidagi gap-so‘zlarga munosabat bildirdi.
«Aleksis «Liverpul»dan ketish haqida o‘ylamayapti. U jamoada qolishni istaydi. «Liverpul» hozircha Aleksis bilan shartnomani uzaytirish bo‘yicha muzokaralarni boshlagani yo‘q, ammo futbolchining istagi — shu yerda o‘ynashda davom etish», — dedi futbolchining otasi winwin nashriga.
«Liverpul» Mak Allisterni 2023 yilda «Brayton»dan 42 million yevroga xarid qilgan edi. Yangi Premyer-liga mavsumida 27 yoshli argentinalik futbolchi 2 ta uchrashuvda maydonga tushdi, ammo hozircha gol yoki golli uzatma bilan ajralib turmadi.
Yarim himoyachining mersisaydliklar bilan amaldagi shartnomasi 2028 yil iyun oyiga qadar mo‘ljallangan.
