«Roma» «Zenit»ga braziliyalik hujumchi Luis Enrike transferi bo‘yicha yana bir taklif bilan chiqdi. Bu haqda ESPN Brasil xabar berdi.

Italiya klubi futbolchi uchun 38 million yevro miqdorida kafolatlangan to‘lovni amalga oshirishga tayyor.

Yana 5 million yevro turli shartlarning bajarilishiga bog‘liq bonuslar sifatida ko‘zda tutilgan. Shu tariqa, ehtimoliy bitimning umumiy qiymati 43 million yevroni tashkil etadi.

Avvalroq «Roma» Luis Enrike uchun 38 million yevro taklif qilgan, ammo «Zenit» bu taklifni rad etgan edi. Italiyada transfer oynasi 1 sentyabr kuni kechqurun yopiladi.

Luis Enrike transferi bo‘yicha muzokaralar murakkab kechayotgani sababli, «Roma» Yevropaning boshqa futbolchilarini ham ko‘rib chiqmoqda. Ular orasida «Shtutgart» vakili, germaniyalik Jeymi Leveling ham bor.

25 yoshli Luis Enrike ikki yarim mavsumdan buyon «Zenit» sharafini himoya qilmoqda. Uning peterburgliklar bilan shartnomasi 2029 yilga qadar amal qiladi.