Meksikaning Michoakan shtatida bolalar o‘rtasidagi futbol uchrashuvi vaqtida noodatiy hodisa yuz berdi. Bu haqda De Ultimo Minuto xabar qildi.
O‘yin davomida kichik bir poda sigir to‘satdan futbol maydoniga chiqib ketdi. Hayvonlarning paydo bo‘lishi yosh futbolchilar orasida sarosimaga sabab bo‘ldi.
Bolalar darhol to‘pni tashlab, tribunalar tomon qocha boshladi. Sigirlar esa ular tomon harakatlanishda davom etdi.
Vaziyat yanada xavfli tus olishi mumkin edi, ammo shu payt mahalliy it hayvonlarning yo‘lini to‘sdi.
To‘rt oyoqli qahramon sigirlarga qarshi chiqib, ularni maydondan haydashga harakat qildi. Itga murabbiylardan biri ham yordam berib, qo‘llarini silkitgan holda hayvonlarni orqaga qaytardi.
Natijada sigirlar futbol maydonini tark etdi va xavf bartaraf etildi.
Shundan so‘ng bolalar o‘rtasidagi uchrashuv davom ettirildi.
