Paskuale Massokki ikki yarim yildan so‘ng «Napoli»ni tark etib, «Venesiya» safiga o‘tmoqda.

Qizig‘i, Massokki «Napoli» safidagi ilk o‘yinida maydonga tushganidan atigi to‘rt daqiqa o‘tib qizil kartochka olgan edi.

Futbolchi Neapol klubi bilan xayrlashar ekan, ta’sirli fikrlarini bildirib o‘tdi.

«Bu futbolkani ilk bor kiygan kunimdan boshlab hammasi boshqacha yakunlanishini orzu qilardim. Ammo hayot har doim ham seni o‘zing istagan manzilga olib bormaydi. Buni qabul qilish va har qanday vaziyatga tayyor turish kerak. Men bu yerga kelishimdan oldin ham neapolitanlik edim. Bu futbolkani kiygan paytimda ham shunday bo‘lib qoldim va umrim oxirigacha neapolitanlik bo‘lib qolaman», — deb yozdi Massokki.

Uning so‘zlarini derbyderbyderby.it nashri keltirdi.

Massokki «Napoli» safida jami 54 ta o‘yin o‘tkazgan.