Паскуале Маццокки икки ярим йилдан сўнг «Наполи»ни тарк этиб, «Венеция» сафига ўтмоқда.

Қизиғи, Маццокки «Наполи» сафидаги илк ўйинида майдонга тушганидан атиги тўрт дақиқа ўтиб қизил карточка олган эди.

Футболчи Неаполь клуби билан хайрлашар экан, таъсирли фикрларини билдириб ўтди.

«Бу футболкани илк бор кийган кунимдан бошлаб ҳаммаси бошқача якунланишини орзу қилардим. Аммо ҳаёт ҳар доим ҳам сени ўзинг истаган манзилга олиб бормайди. Буни қабул қилиш ва ҳар қандай вазиятга тайёр туриш керак. Мен бу ерга келишимдан олдин ҳам неаполитанлик эдим. Бу футболкани кийган пайтимда ҳам шундай бўлиб қолдим ва умрим охиригача неаполитанлик бўлиб қоламан», — деб ёзди Маццокки.

Унинг сўзларини derbyderbyderby.it нашри келтирди.

Маццокки «Наполи» сафида жами 54 та ўйин ўтказган.