«Oser» tarkibini Angliyadan kelgan birdaniga ikki futbolchi bilan kuchaytirdi.
Fransiya klubi «Sautgempton» hujumchisi Kemeron Archerni bir mavsumga ijaraga oldi. «Aston Villa»ning sobiq forvardi bilan tuzilgan kelishuvda keyinchalik sotib olish huquqi ko‘zda tutilmagan. Archer yangi jamoasida 9-raqamli futbolkada harakat qiladi.
Shuningdek, «Oser» «Manchester Yunayted»ning sobiq himoyachisi Aksel Tuanzebeni ham o‘z safiga qo‘shdi.
Yozda «Bernli»ni tark etgan futbolchi Fransiya klubiga erkin agent maqomida keldi. Tuanzebe bilan bir yillik shartnoma imzolangan bo‘lib, kelishuvni yana uzaytirish imkoniyati ham mavjud.
«Manchester Yunayted» tarbiyalanuvchisi «Oser»da 4-raqam ostida to‘p suradi.
