«Осер» таркибини Англиядан келган бирданига икки футболчи билан кучайтирди.

Франция клуби «Саутгемптон» ҳужумчиси Кэмерон Арчерни бир мавсумга ижарага олди. «Астон Вилла»нинг собиқ форварди билан тузилган келишувда кейинчалик сотиб олиш ҳуқуқи кўзда тутилмаган. Арчер янги жамоасида 9-рақамли футболкада ҳаракат қилади.

Шунингдек, «Осер» «Манчестер Юнайтед»нинг собиқ ҳимоячиси Аксель Туанзебени ҳам ўз сафига қўшди.

Ёзда «Бернли»ни тарк этган футболчи Франция клубига эркин агент мақомида келди. Туанзебе билан бир йиллик шартнома имзоланган бўлиб, келишувни яна узайтириш имконияти ҳам мавжуд.

«Манчестер Юнайтед» тарбияланувчиси «Осер»да 4-рақам остида тўп суради.