Madridning «Real» klubi «Betis»ga qarshi uchrashuvga tayyorgarlik doirasida ikkinchi mashg‘ulotni o‘tkazdi. La Liganing 4-turidan o‘rin olgan bahs juma kuni bo‘lib o‘tadi.

Asosiy yangilik — 19 yoshli yarim himoyachi Serxio Martinesning mashg‘ulotda ishtirok etgani bo‘ldi. Madrid klubi 31 avgust kuni futbolchini «Rasing»dan taxminan 3 million yevroga sotib olgan. Martines «Kastilya»da o‘ynaydi, biroq Marca xabar berishicha, klub uni vaqti-vaqti bilan asosiy jamoa mashg‘ulotlariga jalb qilishni rejalashtirmoqda.

Qolgan yangiliklar jarohat olgan futbolchilar bilan bog‘liq: Tchuameni, Asensio, Mendi, Militao, Rodrigo, Endrik va Tyago tiklanishda davom etmoqda. Ularning hech biri keyingi o‘yin uchun qaydnomaga kiritilmasligi kutilmoqda.