Мадриднинг «Реал» клуби «Бетис»га қарши учрашувга тайёргарлик доирасида иккинчи машғулотни ўтказди. Ла Лиганинг 4-туридан ўрин олган баҳс жума куни бўлиб ўтади.
Асосий янгилик — 19 ёшли ярим ҳимоячи Серхио Мартинеснинг машғулотда иштирок этгани бўлди. Мадрид клуби 31 август куни футболчини «Расинг»дан тахминан 3 миллион еврога сотиб олган. Мартинес «Кастилья»да ўйнайди, бироқ Marca хабар беришича, клуб уни вақти-вақти билан асосий жамоа машғулотларига жалб қилишни режалаштирмоқда.
Қолган янгиликлар жароҳат олган футболчилар билан боғлиқ: Тчуамени, Асенсио, Менди, Милитао, Родриго, Эндрик ва Тьяго тикланишда давом этмоқда. Уларнинг ҳеч бири кейинги ўйин учун қайдномага киритилмаслиги кутилмоқда.
