«Bavariya» hujumchisi Xarri Keyn Germaniya kubogida klub rekordini takrorladi.
Angliyalik futbolchi yangi mavsumdagi Germaniya kubogining ilk uchrashuvida «Osnabryuk» darvozasiga ikkita gol urdi va myunxenliklarning 4:1 hisobidagi yirik g‘alabasiga hissa qo‘shdi.
Bu Keyn uchun Germaniya kubogi doirasida ketma-ket gol urgan yettinchi uchrashuv bo‘ldi. Ushbu seriya o‘tgan mavsumda boshlangan.
Ketma-ket 7 ta kubok o‘yinida gol urish natijasi «Bavariya» klub rekordining takrorlanishi bo‘ldi. Ilk bor bunga 1967–1968 yillarda Gerd Myuller erishgan.
Keyinchalik, XXI asrda Tomas Myuller ham xuddi shunday natija qayd etgan. Uning golli seriyasi 2013 yilda boshlanib, 2014 yilda yakunlangan.
Endi Xarri Keyn Germaniya kubogidagi keyingi uchrashuvda gol ursa, klubning yangi rekordini o‘rnatishi mumkin.
