«Bavariya» hujumchisi Xarri Keyn Germaniya kubogi doirasida «Osnabryuk» ustidan 4:1 hisobida qozonilgan g‘alabadan keyin fikr bildirdi.
Mezbonlar uchrashuvning 5-daqiqasida kutilmaganda hisobni ochdi. Ammo myunxenliklar bunga to‘rtta gol bilan javob qaytardi. Ularning ikkitasiga Keyn mualliflik qildi.
«Yaxshi o‘yin bo‘ldi. Bunday safar uchrashuvlarida, ayniqsa stadionda ajoyib muhit bo‘lsa, hech qachon oson bo‘lmaydi. Raqib o‘yin boshidayoq ajoyib gol urdi va bizdan xotirjamlikni saqlash talab etildi.
Yakunda g‘alaba qozonganimizdan xursandman, ammo yanada ko‘proq gol urishimiz mumkin edi. Bizda raqiblarga ko‘plab muammolar tug‘dira oladigan juda kuchli hujumkor futbolchilar bor», — dedi Keyn.
5 sentyabr, shanba kuni Vensan Kompani boshchiligidagi «Bavariya» Bundesliga doirasida «Shalke 04»ga qarshi maydonga tushadi.
