«Бавария» ҳужумчиси Харри Кейн Германия кубоги доирасида «Оснабрюк» устидан 4:1 ҳисобида қозонилган ғалабадан кейин фикр билдирди.

Мезбонлар учрашувнинг 5-дақиқасида кутилмаганда ҳисобни очди. Аммо мюнхенликлар бунга тўртта гол билан жавоб қайтарди. Уларнинг иккитасига Кейн муаллифлик қилди.

«Яхши ўйин бўлди. Бундай сафар учрашувларида, айниқса стадионда ажойиб муҳит бўлса, ҳеч қачон осон бўлмайди. Рақиб ўйин бошидаёқ ажойиб гол урди ва биздан хотиржамликни сақлаш талаб этилди.

Якунда ғалаба қозонганимиздан хурсандман, аммо янада кўпроқ гол уришимиз мумкин эди. Бизда рақибларга кўплаб муаммолар туғдира оладиган жуда кучли ҳужумкор футболчилар бор», — деди Кейн.

5 сентябрь, шанба куни Венсан Компани бошчилигидаги «Бавария» Бундеслига доирасида «Шальке 04»га қарши майдонга тушади.