"Deportivo" yangi futbolchisi Adama Traoreni rasman tanishtirdi.

30 yoshli vinger avgust oyi oxirida La-Korunya klubiga erkin agent sifatida qo‘shilgan edi.

"Klub ham juda katta ish qildi. Bu mening bu yerga kelishimga imkon bergan loyihaning bir qismi bo‘ldi.

Bu yerga kelishimdan oldin Obameyang bilan ham gaplashdim. U ham menga bu variantni tavsiya qildi, klubdagi yaxshi jihatlar va loyihaning qanchalik qiziq ekanini tushuntirdi. Bu esa qarorimga ta’sir qildi.

Mening "Depor" bilan bog‘liq o‘z tarixim ham bor. Bu men "Barselona B" safida debyut qilgan paytimda qarshi o‘ynagan ilk jamoalarimdan biri edi.

Balkim, o‘shandayoq bu ham taqdir belgisi bo‘lgandir", — dedi Traore.

Adama taqdimot marosimiga tashqi ko‘rinishidagi sezilarli o‘zgarish bilan ham keldi. Uning yangi soch turmagi ijtimoiy tarmoq foydalanuvchilari e’tiborini tortdi.