"Депортиво" янги футболчиси Адама Траорени расман таништирди.
30 ёшли вингер август ойи охирида Ла-Корунья клубига эркин агент сифатида қўшилган эди.
"Клуб ҳам жуда катта иш қилди. Бу менинг бу ерга келишимга имкон берган лойиҳанинг бир қисми бўлди.
Бу ерга келишимдан олдин Обамеянг билан ҳам гаплашдим. У ҳам менга бу вариантни тавсия қилди, клубдаги яхши жиҳатлар ва лойиҳанинг қанчалик қизиқ эканини тушунтирди. Бу эса қароримга таъсир қилди.
Менинг "Депор" билан боғлиқ ўз тарихим ҳам бор. Бу мен "Барселона Б" сафида дебют қилган пайтимда қарши ўйнаган илк жамоаларимдан бири эди.
Балким, ўшандаёқ бу ҳам тақдир белгиси бўлгандир", — деди Траоре.
Адама тақдимот маросимига ташқи кўринишидаги сезиларли ўзгариш билан ҳам келди. Унинг янги соч турмаги ижтимоий тармоқ фойдаланувчилари эътиборини тортди.
