«Manchester Yunayted» yarim himoyachisi Brunu Fernandesh Xarri Maguayrdan kapitanlik bog‘ichini qanday qabul qilganini so‘zlab berdi.
Angliyalik futbolchi 2023 yil yozida «qizil iblislar» kapitanligi maqomidan mahrum qilingan. Bunday qarorni o‘sha paytdagi jamoa bosh murabbiyi Erik ten Xag qabul qilgan. Yangi sardor etib Fernandesh tayinlangan.
«Maguayrning so‘zlarini hali ham eslayman: Agar kapitanlik bog‘ichidan ayrilishimga to‘g‘ri kelgan bo‘lsa, yangi kapitan sen bo‘lishingdan xursandman, chunki sen bunga loyiqsan», — deya Brununing so‘zlarini centredevils keltirdi.
6 sentyabr, yakshanba kuni «Manchester Yunayted» Angliya Premyer-ligasining 3-turida safarda «Everton»ga qarshi o‘ynaydi.
