«Manchester Yunayted»ning sobiq yarim himoyachisi Roy Kin darvozabon Emiliano Martinesning «Chelsi»ga transferiga shubha bilan qaradi.
«Bu «Chelsi» uchun yaxshi xaridmi-yo‘qmi, bilmayman. Ularga yangi darvozabon kerak bo‘lganini tushunaman, ammo o‘tgan mavsumda u «Aston Villa» safida ko‘p gol o‘tkazib yubordi. U xarizmatik shaxs ekanini bilaman, bu jihatini e’tirof etaman. Lekin ishonchim komil emas. Menga bu yoqmaydi. U zarbalarni o‘zidan oldinga, jarima maydoni ichiga qaytarib yuborishni yaxshi ko‘radi», — deya Kinning so‘zlarini The Overlap'ga tayanib Goal keltirdi.
London klubi Martines transferini 30 avgust kuni e’lon qildi. Argentinalik darvozabon «Chelsi» bilan uch yillik shartnoma imzoladi.
