«Манчестер Юнайтед»нинг собиқ ярим ҳимоячиси Рой Кин дарвозабон Эмилиано Мартинеснинг «Челси»га трансферига шубҳа билан қаради.

«Бу «Челси» учун яхши харидми-йўқми, билмайман. Уларга янги дарвозабон керак бўлганини тушунаман, аммо ўтган мавсумда у «Астон Вилла» сафида кўп гол ўтказиб юборди. У харизматик шахс эканини биламан, бу жиҳатини эътироф этаман. Лекин ишончим комил эмас. Менга бу ёқмайди. У зарбаларни ўзидан олдинга, жарима майдони ичига қайтариб юборишни яхши кўради», — дея Киннинг сўзларини The Overlap'га таяниб Goal келтирди.

Лондон клуби Мартинес трансферини 30 август куни эълон қилди. Аргентиналик дарвозабон «Челси» билан уч йиллик шартнома имзолади.