Insayder Saymon Fillips ma’lumotiga ko‘ra, "Chelsi" "Bornmut" yarim himoyachisi Aleks Skottni kelasi mavsum uchun o‘z safiga qo‘shib olish imkoniyatini ko‘rib chiqmoqda.

London klubi yanvar oyida "Bornmut" bilan muzokara boshlab, 2027 yil yozgi transfer oynasi uchun oldindan kelishuvga erishishni rejalashtirmoqda.

Skott yozda ham "Chelsi"ning yarim himoya chizig‘i uchun asosiy nomzodlardan biri edi. Biroq "Bornmut" 23 yoshli futbolchini sotmasligini qat’iy bildirgan va uni jamoada saqlab qolgan.

Skottning amaldagi shartnomasi tugashiga ikki yildan kam vaqt qolgan. Shu bois "Bornmut" futbolchidan transfer mablag‘i ishlab olishni istasa, kelasi yozda uni sotish masalasini ko‘rib chiqishi mumkin.

Yarim himoyachiga qiziquvchilar ham kam emas. Yoz davomida Angliya Premyer-ligasining deyarli barcha top-klublari Skott bilan bog‘langan edi. Shu sabab "Chelsi" raqobatchilaridan oldin harakat qilishni istamoqda.