«Betis» markaziy himoyachisi Mark Bartra «Real»ga amalga oshirilmagan penaltini nega qayta tepishga ruxsat berilmaganini tushuntirdi.
94-daqiqada Kilian Mbappe penalti nuqtasiga yaqinlashdi, ammo fransuz futbolchisi darvozabon Alvaro Valyesni dog‘da qoldira olmadi. Yakunda sevilyaliklar 1:0 hisobida g‘alaba qozondi.
Ushbu epizod ko‘plab bahslarga sabab bo‘ldi. Mbappe zarba bergan paytda Bartraning bir oyog‘i jarima maydoni chizig‘idan ichkarida bo‘lgani ko‘ringan. Shu sababli ayrimlar penalti qayta tepilishi kerak edi, deb hisoblamoqda.
«Men bu haqda hakamning o‘zidan so‘radim. U oyog‘im zarba berilgan paytda yerga tegmaganini aytdi. Shuning uchun penalti natijasi o‘z kuchida qolgan», — dedi Bartra o‘yindan keyingi intervyuda.
Uchrashuvdagi yagona gol 81-daqiqada Troy Perrott tomonidan urildi.
