«Бетис» марказий ҳимоячиси Марк Бартра «Реал»га амалга оширилмаган пенальтини нега қайта тепишга рухсат берилмаганини тушунтирди.

94-дақиқада Килиан Мбаппе пенальти нуқтасига яқинлашди, аммо француз футболчиси дарвозабон Альваро Вальесни доғда қолдира олмади. Якунда севильяликлар 1:0 ҳисобида ғалаба қозонди.

Ушбу эпизод кўплаб баҳсларга сабаб бўлди. Мбаппе зарба берган пайтда Бартранинг бир оёғи жарима майдони чизиғидан ичкарида бўлгани кўринган. Шу сабабли айримлар пенальти қайта тепилиши керак эди, деб ҳисобламоқда.

«Мен бу ҳақда ҳакамнинг ўзидан сўрадим. У оёғим зарба берилган пайтда ерга тегмаганини айтди. Шунинг учун пенальти натижаси ўз кучида қолган», — деди Бартра ўйиндан кейинги интервьюда.

Учрашувдаги ягона гол 81-дақиқада Трой Пэрротт томонидан урилди.