«Aston Villa» shanba kuni muxlislarini xursand qila olmadi. APL doirasida «Xall Siti»ga qarshi safar uchrashuvi 0:0 hisobida yakunlandi.

Ayni paytda «Villa» turnir jadvalida 17-o‘rinni egallab turibdi. Jamoa hisobida 1 ochko bor, to‘plar nisbati esa 0:5.

Qizig‘i, o‘tgan mavsumda ham «Aston Villa» APLning dastlabki uch turida birorta ham gol ura olmagan edi.

Opta ma’lumotiga ko‘ra, Angliya yuqori divizioni tarixida bunga qadar faqat bir jamoa ikki mavsum ketma-ket chempionatning dastlabki uch turini golsiz o‘tkazgan. Bu natijani «Ipsvich» 1969/70 va 1970/71 yilgi mavsumlarda qayd etgan.

Shu tariqa, «Aston Villa» 55 yil avvalgi antirekordni takrorladi.

Qayd etish joiz, o‘tgan mavsumdagi golsiz start «Aston Villa»ga yakunda 4-o‘rinni egallab, Chempionlar ligasi yo‘llanmasini qo‘lga kiritishga xalaqit bermagan edi.