«Астон Вилла» шанба куни мухлисларини хурсанд қила олмади. АПЛ доирасида «Халл Сити»га қарши сафар учрашуви 0:0 ҳисобида якунланди.
Айни пайтда «Вилла» турнир жадвалида 17-ўринни эгаллаб турибди. Жамоа ҳисобида 1 очко бор, тўплар нисбати эса 0:5.
Қизиғи, ўтган мавсумда ҳам «Астон Вилла» АПЛнинг дастлабки уч турида бирорта ҳам гол ура олмаган эди.
Opta маълумотига кўра, Англия юқори дивизиони тарихида бунга қадар фақат бир жамоа икки мавсум кетма-кет чемпионатнинг дастлабки уч турини голсиз ўтказган. Бу натижани «Ипсвич» 1969/70 ва 1970/71 йилги мавсумларда қайд этган.
Шу тариқа, «Астон Вилла» 55 йил аввалги антирекордни такрорлади.
Қайд этиш жоиз, ўтган мавсумдаги голсиз старт «Астон Вилла»га якунда 4-ўринни эгаллаб, Чемпионлар лигаси йўлланмасини қўлга киритишга халақит бермаган эди.
