«Manchester Siti» bosh murabbiyi Enso Mareska jamoaning yangi futbolchisi Elliot Andersonning o‘yiniga yuqori baho berdi.

Angliyalik yarim himoyachi joriy mavsumda «shaharliklar»ning barcha to‘rtta rasmiy uchrashuvini asosiy tarkibda boshladi. Shanba kuni 23 yoshli futbolchi «Koventri»ga qarshi 1:0 hisobidagi g‘alabada maydonda to‘liq harakat qildi.

«Menda juda katta taassurot qoldirdi! Bu faqat bugungi o‘yin bilan bog‘liq emas. U «Kristal Pelas» va «Bornmut»ga qarshi bahslarda ham yaxshi o‘ynagan edi.

Ammo Elliotdagi eng yaxshi jihat — uning har kuni o‘z ustida ishlashidir. U doim nimani yana yaxshilashi mumkinligini so‘raydi, biz u bilan individual video-tahlillar ham o‘tkazamiz.

U rivojlanishni istaydi — har bir futbolchi uchun eng muhimi ham shu», — deya Mareskaning so‘zlarini City Report keltirmoqda.

Eslatib o‘tamiz, «Manchester Siti» Elliot Andersonni iyul oyida «Nottingem Forest»dan 135 million yevroga xarid qilgan.