«Milan» bosh murabbiyi Ruben Amorim A Seriyaning «Yuventus»ga qarshi uchrashuvi oldidan jurnalistlar bilan suhbatda jamoa tarkibiga baho berdi.

«Mening futbolchilarim dunyodagi eng yaxshilardan biri, shuning uchun 8 yoki 9 ball qo‘ymayman. Biz tarkibga qo‘shgan har bir futbolchi jamoamizga ideal darajada mos keladi. Shuning uchun 10 ball qo‘yaman! Menda dunyodagi eng yaxshi tarkib bor.

Vaziyatga qarash kerak. Biz turli xususiyatlarga ega bo‘lgan ikki hujumchi foydali bo‘lishi mumkinligini tushunamiz. Keyin nima bo‘lishini bilmaymiz. Balki bu pozisiyada futbolchilar yetishmasligi mumkin.

Menimcha, hujumda bir-birini almashtirib turadigan uch futbolchi bilan ham o‘ynay olamiz. Ko‘rib turganingizdek, biz ko‘pincha birga-bir vaziyatlarda o‘ynaymiz. Shuning uchun, masalan, Kristian Pulishich kabi xususiyatlarga ega hujumchining mavjudligi ayrim o‘yinlarda foydali bo‘lishi mumkin.

Har bir uchrashuv katta klublar uchun muhim. Ammo «Yuventus» kabi jamoaga bo‘lgan qiziqishni tushunaman. Bu o‘tgan haftaga nisbatan o‘yinimiz yaxshilangan yoki yaxshilanmaganini ko‘rish uchun yaxshi sinov. Safarda kuchli jamoa va ajoyib murabbiyga qarshi yaxshi o‘ynash muhim. Men uchrashuvni intiqlik bilan kutyapman, ammo xavotirda emasman. Menimcha, jamoam tayyor», dedi Amorim.