«Милан» бош мураббийи Рубен Аморим А Сериянинг «Ювентус»га қарши учрашуви олдидан журналистлар билан суҳбатда жамоа таркибига баҳо берди.

«Менинг футболчиларим дунёдаги энг яхшилардан бири, шунинг учун 8 ёки 9 балл қўймайман. Биз таркибга қўшган ҳар бир футболчи жамоамизга идеал даражада мос келади. Шунинг учун 10 балл қўяман! Менда дунёдаги энг яхши таркиб бор.

Вазиятга қараш керак. Биз турли хусусиятларга эга бўлган икки ҳужумчи фойдали бўлиши мумкинлигини тушунамиз. Кейин нима бўлишини билмаймиз. Балки бу позицияда футболчилар етишмаслиги мумкин.

Менимча, ҳужумда бир-бирини алмаштириб турадиган уч футболчи билан ҳам ўйнай оламиз. Кўриб турганингиздек, биз кўпинча бирга-бир вазиятларда ўйнаймиз. Шунинг учун, масалан, Кристиан Пулишич каби хусусиятларга эга ҳужумчининг мавжудлиги айрим ўйинларда фойдали бўлиши мумкин.

Ҳар бир учрашув катта клублар учун муҳим. Аммо «Ювентус» каби жамоага бўлган қизиқишни тушунаман. Бу ўтган ҳафтага нисбатан ўйинимиз яхшиланган ёки яхшиланмаганини кўриш учун яхши синов. Сафарда кучли жамоа ва ажойиб мураббийга қарши яхши ўйнаш муҳим. Мен учрашувни интиқлик билан кутяпман, аммо хавотирда эмасман. Менимча, жамоам тайёр», деди Аморим.